Azərbaycan, Bakı, 1 aprel /Trend/
Azərbaycanın mobil rabitə operatoru "Azerfon-Vodafone" abunəçilərinə MDB ölkələri üçün rouminq qiymətlərində 50 faiz endirim təqdim edir.
Aprel ayının 1-dən etibarən "Azerfon-Vodafone" Rusiya, Qazaxıstan, Belarus, Moldova, Qırğızıstan və Tacikistan ölkələri üçün rouminq xidmətləri üzrə daxil olan zənglərə, çıxan SMS-lərə və 1MB GPRS xidmətlərinə 50% endirim edir. Bu tarixdən etibarən qeyd olunmuş ölkələr "Azerfon-Vodafone" rouminq xəritəsində Zona 1-ə daxil ediləcək. Bununla da "Azerfon-Vodafone" abunəçiləri MDB ölkələrinə səyahət edərkən əhəmiyyətli dərəcədə aşağı qiymətlərlə rouminq xidmətlərindən istifadə edə biləcəklər. Belə ki, abunəçilər Avropa və MDB ölkələrinin daxil olduğu Zona 1 üzrə zənglərə görə 0,50 manat, çıxan zənglər - 1,25 manat, gələn SMS pulsuz, göndərilən hər bir SMS üçün isə 0,25 manat ödəyəcəklər.
"Bizim məqsədimiz müştərilərimizə ən sərfəli, rahat və şəffaf rabitə xidmətlərini təqdim etməkdir. Azərbaycan vətəndaşları tez-tez MDB və Avropa ölkələrinə səyahət edirlər və buna görə də biz MDB ölkələri üçün rouminq tariflərində 50% endirim etdik. Vodafone-la strateji tərəfdaşlığımız bizə müştərilərimizə ən sərfəli və rahat rouminq tariflərli təqdim etmək imkanı yaradır və biz fəxr edirik ki, Azərbaycanda abunəçilərimizə ən yaxşı rouminq xidmətləri göstəririk", - baş icraçı müdir Yurgen Pitz bildirib.
Azərbaycan mobil bazarında ilk dəfə olaraq "Azerfon-Vodafone" 120-dən artıq ölkəni əhatə edən 4 zona üçün 4 qiymətə əsaslanan ən sərfəli rouminq tarifləri tətbiq edir və bu qiymətlər hər zaman www.azerfon-vodafone.com internet səhifəsində əks olunur.
Rouminq zonası |
Daxil olan zənglər (1 dəq.) |
Çıxan zənglər (1 dəq.) |
1 SMS qiyməti (göndərilən) |
1 MB GPRS |
1 |
0.5 |
1.25 |
0.25 |
6 |
2 |
1 |
1.5 |
0.5 |
12 |
3 |
1.5 |
2.5 |
0.75 |
16 |
4 |
2 |
3.5 |
1 |
20 |