Azərbaycan, Bakı, 14 aprel /Trend/
Yanvar-fevralda Azərbaycana 1,2 milyon dollardan artıq məbləğdə 20 830 mobil telefon idxal edilib. Trend-in məlumatına görə, bu barədə cümə axşamı Dövlət Statistika Komitəsinin məlumatında deyilir.
2010-cu ilin analoji dövrü ilə müqayisədə Azərbaycana mobil telefonların idxalı 10,6 faiz, pul vahidində isə 49,9 faiz artıb.
Ötən il ölkəyə 7,1 milyon dollardan çox dəyəri olan 107,8 min ədəd mobil telefon gətirilib ki, bu da 2009-cu ilin analoji dövr göstəricisi ilə müqayisədə 40,2 faiz azdır (pul vahidində 25,2 faiz az).
2011-ci ilin yanvar-fevralında ölkəyə 576,1 min dollar məbləğində 1448 ədəd televiziya qəbuledicisi idxal edilib. Ötən ilin analoji dövrü ilə müqayisədə televiziya qəbuledicilərinin idxal həcmi 43,4 faiz, pul vahidində isə 71,6 faiz artıb.
2010-cu ilin yekunları üzrə ölkəyə ümumi məbləği 3,75 milyon dollar olan 13 827 televiziya qəbuledicisi gətirilib ki, bu da 2009-cu ilin analoji dövr göstəricisi ilə müqayisədə 77,8 faiz (pul vahidində 70,8 faiz) çoxdur.