Azərbaycan, Bakı, 28 iyun /Trend, müxbir H.Vəliyev/
Elektron rəqəmsal imzanın tətbiqi Azərbaycanda internet-ticarətin sürətli inkişafına xidmət edəcək. Bu barədə çərşənbə axşamı Trend-ə AZEL şirkətinin Direktorlar Şurasının sədri Rasim İbrahimov deyib.
İbrahimovun sözlərinə görə, virtual vitrinin açılması və məzmunu xeyli xərc tələb edən fiziki mağazanın hərəkətlərindən fərqli olaraq daha sadə prosesdir. Elektron rəqəmsal imzanın olması biznes sahəsini virtual mühitə daxil olmağa sövq edəcək, bu isə AzNET şəbəkəsində yeni mağazaların sayının artmasında mühüm rol oynayacaq.
"İnternet ödənişlər informasiya texnologiyaları bazarının inkişafının stimulyator amillərindən biridir. Yeni vasitələr və virtual alışın imkanları yarandıqca ən azı internetdən istifadə edən bir kompüterə malik müştərilər də olacaq. Bizim üçün İT-şirkət kimi bu, satışın artmasına, o cümlədən virtual məkanda artmasına səbəb ola bilər", - İbrahimov qeyd edib.
İT-bazarın inkişafı ilə bağlı olan istənilən yenilik, ekspertin fikrincə, satışın artması üçün stimuldur və bazarda belə alətlər nə qədər çox olarsa, bir o qədər də potensial sifarişçi çox olacaq.
Bilavasitə kompüter bazarına gəldikdə, İbrahimovun fikrincə, bu seqmentdə çox olmasa da, sabit artım hiss edəcəyik. Bu, həm ev istifadəçiləri mühitində, həm də korporativ seqmentdəki mövcud tələbatla əlaqədardır. İbrahimovun fikrincə, sonuncu seqment kompüter bazarının inkişafında hərəkətedici qüvvədir. Bu, hazırda əsasən elektron idarəetmə sistemlərini fəal şəkildə tətbiq edən dövlət idarələridir.
Ölkə iqtisadiyyatının da artımı böyük əhəmiyyət kəsb edir. Bu da Azərbaycanın İT bazarının inkişafında müsbət rol oynayır.
"Dünən bizim şirkətin 20 yaşı tamam olub. Və bu münasibətlə xüsusilə qeyd etmək istərdim ki, şirkətimiz Rabitə və İnformasiya Texnologiyaları Nazirliyinin Azərbaycanın İT bazarının inkişafına töhfəyə görə rəsmi fərmanına layiq görülüb", - İbrahimov qeyd edib.
