Azərbaycan, Bakı, 30 iyun /Trend, müxbir H.Vəliyev/
Azərbaycan Rabitə və İnformasiya Texnologiyaları Nazirliyinin "Bakı Telefon Rabitəsi" İstehsalat Birliyinin (İB) nömrə tutumu 800 min ədədi ötüb. Bu barədə cümə axşamı Trend-ə İB-dən bildirilib.
Məlumata görə, bu gün operatorun nömrə tutumunun ümumi sayından 650 min ədədi fəaliyyətdədir.
İlin əvvəlindən operatorun nömrə tutumu təxminən 40 min ədəd artırılıb.
BakinterNet dövlət İnternet servis provayderinə ADSL- qoşulmaların sayı 50 mini ötür. İnternet istifadəçilərinin ümumi sayı nəzərə alınarsa, dəyişilən Dial up istifadəçiləri daxil olmaqla, bu rəqəm 100 minə keçə bilər.
Operatorun bütün ATS-ləri elektron növə keçirilib. Bu gün onların 70 faizi növbəti nəsil NGN (Next Generation Network) şəbəkəsi bazasında işləyir.
NGN texnologiyalarının tətbiqi operatora genişzolaqlı qoşulmaların miqdarını 110 min ədədədək artırmağa imkan verib.