...

Azərbaycanda poçt şöbələrinin böyük hissəsi maliyyə xidmətləri göstərəcək

Telekommunikasiya Materials 5 Oktyabr 2011 16:25

Trend-i buradan izləyin

Azərbaycan, Bakı, 5 oktyabr /Trend, müxbir H.Vəliyev/

Azərbaycan Mərkəzi Bankı (AMB) "Azərpoçt" MMC-nin 890 şöbəsinə əhaliyə maliyyə xidmətlərinin göstərilməsi üzrə lisenziya verib. Bu barədə çərşənbə günü Trend-ə "Azərpoçt"dan bildirilib.

"İlin sonuna qədər poçt operatorunun avtomatlaşdırılmış korporativ-informasiya sisteminə 1000 filial və şöbə qoşulacaq", - MMC-dən deyiblər.

Operatora yeddi maliyyə xidmətindən beşini göstərməyə icazə verilib. Onlara hesabların açılması və idarə olunması, pul köçürmələrini həyata keçirilməsi, debit kartların emissiyası, müştərilərin sifarişi ilə valyutaların alqı-satqı əməliyyatları, nağd və digər qiymətli vəsaitlərin inkassasiyası daxildir.

Perspektivdə daha iki əlavə xidmətin - depozitlərin qəbulu və kredit kartlarını emissiyası - göstərilməsi məsələsinə baxılacaq.

Azərbaycanın bank bazarına daxil olmaqla "Azərpoçt" bank bazarının oyunçularına ciddi rəqabət təşkil edəcək.

Xəbər lenti

Xəbər lenti