Azərbaycan, Bakı, 6 yanvar /Trend, müxbir H.Vəliyev/
"Microsoft Azerbaijan" şirkəti Azərbaycanın təhsil müəssisələri üçün live@edu layihəsini işə salır. Bu barədə cümə günü Trend-ə "Microsoft Azerbaijan" şirkətinin "Təhsildə tərəfdaşlıq" proqramı üzrə meneceri Emin Axundov bildirib.
Axundovun sözlərinə görə, bu gün live@edu servisi orta məktəb müəllimləri üçün açıqdır və bu, Azərbaycanın Təhsil Nazirliyi ilə birgə həyata keçirilib. Servis hər bir müəllimə öz poçt akkauntunu ödənişsiz almağa imkan verir ki, bu da öz növbəsində təhsil almaq prosesini daha səmərəli edir.
live@edu servisi teacher.edu.az domenində elektron poçt qutusudur. O, orta məktəb müəlliumlərinə çoxlu sayda servis və əlavələrə çıxış əldə etməyə imkan verir.
"Analoji layihəni ali məktəb müəssisələri üçün də buraxmaq fikrindəyik. Gözlənildiyi kimi, servis onun tətbiqinə maraq göstərən Azərbaycan Memarlıq və İnşaat Universitetində və Bakı Dövlət Universitetində işə salınacaq", - Axundov deyib.