Azərbaycan, Bakı, 27 yanvar /Trend, müxbir H.Vəliyev/
Optik-lif infrastrukturu ilə Azərbaycan regionlarındakı kəndlərin 25 faizi əhatə olunub. Bu barədə Trend-ə cümə günü Rabitə və İnformasiya Texnologiyaları Nazirliyinin "Aztelekom" İstehsalat Birliyindən məlumat verilib.
Hazırda İB tərəfindən kənd yerlərində genişzolaqlı internet xidmətlərinin yayılması layihəsinə özəl internet-servis-provayderlər cəlb olunub.
"Aztelekom"dan deyildiyi kimi, bu gün regional səviyyədə (əsasən kənd yerlərində) özəl internet-servis-provayderlərin səyi ilə 65 kilometr uzunluğunda optik xətt çəkilib.
"Aztelekom"un proqnozuna görə, ilin sonunadək Azərbaycanın bütün kəndləri optik-lif xətlərlə əhatə olunub. Operator onun bazasında genişzolaqlı xidmətlərin və servislərin bilavasitə son istifadəçinin evinə çatdırılmasını planlaşdırır.
AztelekomNet genişzolaqlı internet xidmətləri respublikanın 52 şəhərində təqdim olunur. Hazırda bütün rayon mərkəzləri TAA (Trans-Asiya-Avropa) kabel magistralına qoşulub.
İlin əvvəlindən "Aztelekom" şəbəkəsinə qoşulmaların sayı üç min ədəddən çox artıb. Operator internet xidmətlərindən aylıq gəlirləri üç milyon manatadək artırmağı planlaşdırır. İB-də hesab edirlər ki, buna genişzolaqlı xidmətlər üzrə abonent bazasını 200 min ədədə (xidmətlərin orta dəyəri 15 manat olmaqla) çatdırmaqla nail olmaq olar.
Bütün bunlar operatorun gəlirliliyinin azalması fonunda baş verir ki, bu da hazırda operatorun şəbəkəsində, İB-dən deyildiyi kimi, daha çox mobil şəbəkələrə köçən trafikin istehlakının azalması ilə şərtlənir. Ona görə də "Aztelekom" üçün əlavə gəlir mənbəyi genişzolaqlı xidmətlər və onların bazasında göstərilən əlavə servislərdir.