Azərbaycan, Bakı, 5 iyul /Trend, müxbir H.Vəliyev/
Avropa İttifaqı (Aİ) Azərbaycan Milli Elmlər Akademiyasının (AMEA) Kibernetika İnstitutunun anomal seysmik proseslərin səsli monitorinq layihəsinin inkişafına 36 min avro ayırıb. Bu barədə cümə axşamı Trend-ə Regional İnnovasiya Texnologiyaları Akademiyasının (RITA) direktoru Tofiq Babayev bildirib.
Babayevin sözlərinə görə, layihəyə iyunda start verilib və onun növbəti iki ildə həyata keçirilməsi nəzərdə tutulub.
AMEA, həmçinin 36 min avro həcmində layihəni maliyyələşdirəcək. Vəsait məlumat bazasının yaradılmasına, zəlzələnin yerini və gücünü müəyyənləşdirəcək proqram vasitələrinin işlənməsi və dəqiqləşdirilməsinə xərclənəcək.
