Azərbaycan, Bakı, 21 noyabr /Trend, müxbir İ.Xəlilova/
Azərbaycan Nazirlər Kabinetinin qərarı ilə mərkəzi icra hakimiyyəti orqanları tərəfindən göstərilən elektron xidmətlərin reyestrinin operatoru funksiyaları Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinə (ASAN Xidmət) tapşırılıb.
Bununla əlaqədar olaraq, Nazirlər Kabinetinin 2011-ci il 24 noyabr tarixli qərarı ilə təsdiqlənən "Mərkəzi icra hakimiyyəti orqanları tərəfindən konkret sahələr üzrə elektron xidmətlər göstərilməsi Qaydaları" və "Elektron xidmət növlərinin Siyahısı"nda dəyişikliklər edilib.
