Azərbaycan, Bakı, 20 dekabr /Trend, müxbir H. Vəliyev/
"Microsoft Azerbaijan" şirkəti "Home news writes" proqramını yaradır. Bu proqram çərçivəsində Azərbaycanın dövlət qurumlarının əməkdaşları ev şəratində istifadə etmək üçün 9 dollara "Microsoft" un lisenziyalı proqram təminatını əldə edə biləcəklər. Trend-in məlumatına görə, bu barədə cümə axşamı jurnalistlərə şirkətin Azərbaycandakı nümayəndəliyinin rəhbəri Rüfət Hacıəlibəyov deyib.
Proqram "Microsoft"un Rabitə və İnformasiya Texnologiyaları Nazirliyi ilə 2011-ci ildə imzaladığı müqaviləyə əsasən reallaşdırılacaq.
Lisenziyalaşdırılmış proqram təminatına keçən dövlət strukturlarının kompüter parkı 10 min ədədi ötüb.