Azərbaycan, Bakı, 10 iyun /Trend, müxbir H. Vəliyev/
Azərbaycan Mərkəzi Bankı (AMB) kompyuter, server və şəbəkə avadanlığının, həmçinin proqram təminatının tədarükü üzrə tenderin qalibini müəyyənləşdirib. Trend-in məlumatına görə, bu barədə bazar ertəsi Tender Komissiyasının rəsmi mətbuatda dərc edilən məlumatında deyilir.
AMB-nin Tender Komissiyasının mayın 24-nə olan qərarına əsasən, "Bestcomp Group" şirkəti tenderin qalibi elan edilib. İyunun 3-də şirkətlə müvafiq müqavilə imzalanıb.