Azərbaycan, Bakı, 2 iyul /Trend, müxbir H.Vəliyev/
2012-ci ilin may ayından bu ilin may ayınadək Azərbaycanda smartfonlar bazarının payı 27,4 faiz artıb. Trend-in məlumatına görə, bu barədə çərşənbə axşamı "Opera Software" şirkətinin mobil internetə dair hesabatında deyilir.
Məlumata görə, qeyd edilən dövrdə 21 faizlik artım istifadə edilən internet trafikin həcmində qeydə alınıb.
Hesabatda deyilir ki, Azərbaycan əhalisi arasında mobil rabitəyə çıxışın səviyyəsi 105,5 faiz təşkil edir, fiksasiya edilmiş rabitədə isə bu göstərici 18 faizdən çoxdur.
"Opera Software" şirkətinin hesablamalarına görə, Azərbaycanda "Nokia" telefonları ən populyar telefon markası, "Opera Mini" ən populyar brauzer olaraq qalır. Ən populyar 10 sayt siyahısına (azalma sırası ilə) Facebook.com, Odnoklassniki.ru, Google.com, Youtube.com, Google.az, Opera.com, Mail.ru, Akamaihd.net, Vk.com və Yandex.ru. daxildir.
