Bakı. Trend:
PASHA Bank-ın Kibertəhlükəsizlik Mərkəzi 2022-ci ildə yüksək beynəlxalq qiymət alıb.
Trend xəbər verir ki, bunu PASHA Bank-ın baş direktoru və idarə heyətinin sədri Cavid Quliyev 2022-ci ilin yekunlarına həsr olunmuş mətbuat konfransında deyib.
Onun sözlərinə görə, 2022-ci ildə bankda Kibertəhlükəsizliyə Nəzarət Mərkəzi yaradılıb.
"Mərkəz 24/7 rejimdə fəaliiyyət göstərir. Mərkəzimiz beynəlxalq təşkilat tərəfindən yüksək qiymətləndirilib və beynəlxalq standartlara uyğunluğu təsdiq olunub", - o deyib.
C.Quliyev bankın öz müştərilərinin ehtiyaclarını qarşılamaq və beynəlxalq standartlara cavab vermək üçün ən yaxşı texnologiyaların tətbiqinə tərəfdar olduğunu vurğulayıb.
(Tərcümə: Rəna Əbdürəhmanova)
