...

Azərbaycanın rabitə naziri Pakistana yola düşüb

Telekommunikasiya Materials 20 Fevral 2006 16:50 (UTC +04:00)

Azərbaycanın rabitə və informasiya texnologiyaları naziri Əli Abbasov Pakistana səfər edib. Trend in xəbər verdiyi kimi, bu barədə nazirliyin fevralın 20-də yayılmış press-relizində bildirilir.

Səfərdə əsas məqsəd fevralın 21-dən 25-dək İslamabadda keçiriləcək İslam Konfransı Təşkilatının elmi-texniki əməkdaşlıq daimi komissiyasının 12-ci Baş Assambleyasında iştirak etməkdir.

Toplantıda Ə.Abbasov elmdə informasiya texnologiyalarının tətbiqi sahəsində həyata keçirilmiş və gerçəkləşdirilməsi planlaşdırılan islahatlar və tədbirlər haqqında nitq söyləyəcək.

Konfrans ərəfəsində Əli Abbasovun Pakistanın və konfransın üzvü olan ölkələrin rabitə nazirləri ilə ikitərəfli görüşləri gözlənilir.

Bununla yanaşı, tədbir iştirakçıları olan nazirləri Pakistan prezidenti Pərviz Müşərrəf qəbul edəcək.

Xəbər lenti

Xəbər lenti