Azərbaycanın Rabitə və İnformasiya texnologiyaları Nazirliyi Azərbaycan poçtunun təkmilləşdirilməsi çərçivəsində lokal şəbəkənin quraşdırılması layihəsi üçün texniki tapşırıqları yerinə yetirir. Rabitə Nazirliyi Trend ə verilən məlumata görə, dövlət strukturunda layihənin Dünya Bankı ilə əlaqələndirilməsi üçün texniki icra qrupu yaradılıb.
Layihə çərçivəsində lrkal şəbəkənin və konsaltinq şirkətinin seçilməsi üzrə 2 tender keçirilib. "Lokal şəbəkə müəssisənin özündə quraşdırılacaq və bütün regional poçt şöbələri onunla birləşdiriləcək", - deyə Nazirlikdən bildirilib.
Azərpocht Dövlət Müəssisəsində layihə ilə əlaqədar struktur dəyişikliklər edilib və 2 yeni şöbə yaradılıb.
Dünya Bankı ilə həyata keçirilən "Maliyyə xidmətlərinin inkişafı" layihəsinin əsas komponentləri maliyyə xidmətlərinin göstərilməsi üçün poçt şəbəkəsinin müasirləşdirilməsidir. Azərpocht DM maliyyə və bank xidmətlərini 2007-ci ildən göstərməyə başlayıb. Azərpocht lisenziya almalı və ödənişlərin milli sisteminə qoşulmalıdır.
3 illik layihənin dəyəri $17,5 mln-dur. $12,25 mln. kredit DB tərəfindən ayrılıb, digər hissə isə Azərbaycan hökumətinin payına düşür.
Dövlət müəssisəsi 1273 poçt şöbəsinə və 179 poçt agentliyinə malikdir. Layihə çərçivəsində 1 min yeni iş yerinin açılması nəzərdə tutulur.
