Mərkəzi və Şərqi Avropa Şəbəkələri Assosiasiyasının baş katibi Cerar Qajevskinin Azərbaycana səfəri gözlənilir. Trend agentliyi Rabitə və İnformasiya Texnologiyaları Nazirliyinə əsasən xəbər verir ki, səfərin əsas məqsədi iyunun 24-25-də keçirilməsi planlaşdırılan "Elektron Naxçıvan 2:İnformasiya kommunikasiya texnologiyalarının elm və təhsilin inkişafında rolu" adlı beynəlxalq praktiki konfransda iştirakdır
Konfransın işində Türkiyənin Qars və Kacaeli universitetləri, Rabitə və İnformasiya Texnologiyaları, Təhsil nazirlikləri, Elmlər Akademiyasının İnformasiya Texnologiyaları İnstitutu, Lənkəran Dövlət Universiteti, bakı Dövlət Universiteti, Dövlət İqtisad Universiteti, İT şirkətlərinin nümayəndə heyətlərinin iştirakı planlaşdırılır.
Naxçıvan Dövlət Universiteti və Rabitə Nazirliyi tərəfindən birgə təşkil olunmuş konfransda Naxçıvan Muxtar Respublikasında informasiya kommunikasiya texnologiyalarının inkişafı, eləcə də İKT-nin müxtəlif sahələrdə tətbiqi və informasiyalı cəmiyyətin formalaşdırılması məsələləri müzakirə olunacaq.
