Rabitə və İnformasiya Texnologiyaları Nazirliyi Yaponiya və Fransa ilə MTF/STEFI sistemi əsasında pul köçürmələrini tətbiq etməyi planlaşdırır.
Nazirlikdən Trend ə verilən məlumata əsasən, bu istiqamətdə fəal danışıqlar aparılır.
Yaponiya ilə layihənin gerçəkləşdirilməsində mövcud çətinlik onunla bağlıdır ki, Tokio yalnız Ümumdünya Poçt İttifaqının poçt ödənişləri haqqında sazişi təsdiqləmiş ölkələrin poçt administrasiyaları ilə bənzər əməliyyatlar həyata keçirir. "Azərbaycan bu məsələni qısa müddətdə həll etmək niyyətindədir" - deyə nazirlikdən qeyd ediblər.
Hazırda Azərbaycan Birləşmiş Ərəb Əmirlikləri, Moldova, Rusiya, Belorus, Ukrayna və Qazaxıstanla pul köçürmələri həyata keçirir..
