Azərbaycan və Gürcüstanın poçt administrasiyaları arasında imzalanmış protokola əsasən, iyulun 2-ci yarısından hər iki ölkə beynəlxalq poçt mübadiləsinə başlayacaq. Bu barədə Trend ə Azerpocht DM-dən məlumat verilib.
Əvvəlcə poçt mübadiləsi həftədə iki dəfə həyata keçiriləcək. Gələcəkdə isə gündəlik mübadilə, tranzit poçt daşımalarının həyata keçirilməsi planlaşdırılır.
"Əməliyyatların qrafiki müəyyən olunub və gömrük orqanları ilə razılaşdırılır", - deyə DM-dən qeyd olunub.
Hazırda Azərbaycan təkcə İranla yerüstü poçt daşımaları həyata keçirir. Hazırda niyyət protokolunun imzalandığı Rusiya ilə danışıqlar aparılır.