Rabitə və İnformasiya Texnologiyaları Nazirliyi Bakı Telefon Rabitəsi (BTRIB) NGN (Next Generation Network) texnologiyası əsasında IP-Centrex xidmətini tədbiq etməyi planlaşdırır.
IP-Centrex xidmətini sentyabra qədər tədbiq etmək nəzərdə tutulub. Bu xidmətə səs poçtu və səs portalı xidmətləri daxildir. IP-Centrex hər abunəçi üçün əlçatan olacaq. Əsas məsələ yerindən asılı olmayaraq IP-qoşmasını şirkətin şəbəkəsinə və ya internetə qoşmaq, eləcə də əlavələr platformasında qeydiyyata almaqdan ibarətdir. Əvvəlki texnologiyadan fərqli olaraq IP-Centrex xidməti NGN şəbəkəsinə çoxofisli qoşulma çərçivəsində, eləcə də internetə istənilən qoşulma nöqtəsində göstərilə bilər. Bununla belə, qoşulma nöqtəsindən asılı olmayaraq abunəçinin telefon nömrəsi olduğu kimi qalır. IP-Centrex-ə nömrənin ixtisarla yığılması (Extension Dialing), anonim zənglərdən imtina (Anonimous Call Rejection), zənglərin ünvanının birbaşa dəyişdirilməsi (Call Forwarding Always), xətt məşğul olduqda zənglərin ünvanının dəyişdirilməsi (Call Forwarding Busy), cavab gəlmədikdə zənglərin ünvanının dəyişdirilməsi (Call Forwarding No Answer), zəngə cavab (Call Return), bazarın təhlili (Analysis), zəngin saxlanılması (Flash Call Hold), zəngin gözlənilməsi (Call Waiting) və sair xidmətlər daxildir.
Qeyd edək ki, iyunda BTRİB IP-TI xidməti tədbiq edəcək ki, bundan NGN texnologiyasına uyğun rekonstruksiya olunmuş EATS-lərin abunəçiləri yararlana biləcək. IP-TI - kabel və peyk televiziyası vasitəsilə 40-a yaxın televiziya proqramı yayımlanacaq.
