Azərbaycan və Rusiya rabitə sahəsində "Əməkdaşlıq haqqında" saziş layihəsinə yerüstü poçt əməliyyatlarının həyata keçirilməsi bəndinin daxil edilməsi haqqında qərar qəbul edib. Bu barədə Trend Rabitə və İnformasiya Texnologiyaları Nazirliyinə istinadən xəbər verib. Bu, yerüstü poçt əməliyyatlarının həyata keçirilməsi məsələsini xeyli dərəcədə tezləşdirməyə imkan verəcək.
Qərar nazirliyin aparıcı məsləhətçisi Vüqar Allahyarov və Azərpoçt DM-nin Poçt Təhlükəsizliyi və Keyfiyyət Nəzarəti şöbəsinin rəisi Novruz Qalayevdən ibarət nümayəndə heyətinin Moskvaya səfəri zamanı qəbul olunub.
Səfər zamanı Azərbaycan istiqamətində elektron poçtu vasiətsilə pul köçürmələrinin həcminin artırılması, ölkələr arasında adi və elektron pul köçürmələrinin əvəzləşdirilməsi, Rusiya və Azərbaycan poçt opretorları arasında "Konsiqnasiya" üzrə sazişin imzalanması məsələləri müzakirə olunub.
