2006-cı ilin sonunadək Bakı Telefon Rabitəsi İB Bakıda rabiətinin elektronlaşdırılması prosesini başa vuracaq. Trend in xəbər verdiyi kimi, bu barədə müəssisənin rəhbəri Beydulla Hüseynov məlumat verib.
Onun sözlərinə görə, indiyədək 461/62/63/64/65 ATS-i yenidən qurulub.
Sabunçu, Qaradağ və Əzizbəyov telekommunikasiya qovşaqları (TKQ) tamamilə elektronlaşdırılıb.
"Bundan başqa Xətai TKQ-da 468/69, 61/62/, 60 ATS-də də işlər aparılır. Bu işlərin oktyabrın sonunadək başa çatdırılması planlaşdırılır. Həmçinin, 438/439, 494/495, 423, 471/472/473 və 474/475/476 ATS-i də yenidən qurulacaq", - deyə o bildirib.
Hazırda paytaxt üzrə rabitənin elektronlaşdırılmasının səviyyəsi 75%-i keçir.
Bu tədbirlər 2004-2008-ci illərdə Azərbaycanda informasiya və kommunikasiya texnologiyalarının inkişafı üzrə dövlət proqramına uyğun olaraq həyata keçirilir.