2006-cı ilin yanvar-sentyabr aylarında Azərbaycanın Rabitə və İnformasiya Texnologiyaları Nazirliyi ölkənin dövlət büdcəsinə 15,5 mln. manat köçürüb. Bu barədə Trend Nazirliyə istinadən xəbər verir.
Dövlət Sosial Müdafiə Fonduna 5,9 mln. manat vəsait köçürülüb. Bu dövr ərzində sərmayələrin həcmi 24,2 mln. manat təşkil edib. Rabitə sahəsinə 171 mln. manat sərmayə qoyulub ki, bu da Azərbaycan iqtisadiyyatına yatırılmış sərmayələrin 4%-ni təşkil edir.
Bu dövr ərzində Nazirliyin birlik və müəssisələri üzrə 109,9 mln. manat həcmində proqnoza qarşı 129,5 mln. manat gəlir əldə olunub. Artım 16,9 mln. manata (15,1%) bərabər olub.
9 ay ərzində telekommunikasiya sahəsində temp artımı 22,7% təşkil edib. Bunun 390,8 mln. manatı (72,4%) özəl sektorun payına düşüb.
Həmin dövrdə nazirlik üzrə 1718 əlavə iş yeri yaradılıb. Nazirlik üzrə orta aylıq əmək haqqı 154 manata çatıb. Bütün respublika üzrə bu göstərici 138,5 manata bərabərdir.