Noyabrın 23-də Bakıda "Təhsil sahəsində İnternet texnologiyalarının rolu" mövzusunda dəyirmi masa keçiriləcək. Tədbirin təşkilatçısı Azərbaycan İnternet Forumudur. Trend in AİF-ə istinadən xəbər verdiyi kimi, tədbirdə dövlət, özəl sektor, vətəndaş cəmiyyəti, müstəqil ekspertlər və beynəlxalq təşkilatların nümayəndələrinin iştirakı gözlənilir.
Dəyirmi masada AİF tərəfindən AzNet layihəsinin təqdimatı da planlaşdırılır.
Görüş iştirakçıları təhsil sahəsində İnternet-texnologiyaların tətbiqi ilə bağlı vəziyyət, məktəblilərin internetə giriş imkanları, təhsil sahəsində İnternet resurslarının, informasiya-kommunikasiya texnologiyalarının metodik-hüquqi bazasının vəziyyəti, o cümlədən müvafiq orqanlara təqdim etmək üçün təkliflərin hazırlanması ilə bağlı müzakirələr aparacaq.