Azərbaycanın Rabitə və İnformasiya Texnologiyaları Nazirliyi Milli Dirçəliş günü ilə əlaqədar yeni rabitə obyektləri istismara verib. Trend in Nazirliyə istinadən xəbər verdiyi kimi, Aztelekom İstehsal Birliyinin tədbirlər planına görə, Yevlax Telekommunikasiya Qovşağı (TKQ) üzrə Gülövşə kəndində 448, Qaraoğlan kəndində 256 nömrə tutumlu elektron avtomat telefon stansiyası (EATS) istismara verilib.
Tovuz TKQ üzrə Xaltanlıda da analoji obyekt quraşdırılıb. Xatınlıda 768, Sarıtalada 256, Düzcırdahanda - 512, Beyləqan TKQ üzrə Əmirseyidli və İmamverdilər kədlərinin hər birində 128, Qaralarda 208, Quba TKQ üzrə Əlikdə 64, Xınalıqda 128, Masallı TKQ mərkəzində 7024 nömrə tutumlu obyektlər istismara verilib.
