...

GUAM ölkələrinin informasiya texnologiyalarına həsr olunmuş növbəti iclas Bakıda keçiriləcək

Telekommunikasiya Materials 11 Dekabr 2006 18:22

Trend-i buradan izləyin

Azərbaycan Rabitə və İnformasiya Texnologiyaları Nazirliyinin nümayəndə heyəti Maldovaya işgüzar səfərini başa çatdırıb. Nazirlikdən Trend ə verilən xəbərə görə, nümayəndə heyəti GUAM ölkələrinin İnformasiya texnologiyaları məsələləri üzrə işçi qrupunun ikinci iclasında iştirak edib. Nümayəndə heyətinə Rabitə və İnformasiya Texnologiyaları Nazirliyinin İnformasiya cəmiyyətinin inkişafı şöbəsinin rəhbəri Rüfət Gülməmmədov başçılıq edib.

Azərbaycanla bir sırada Maldova və Ukrayna nümsayəndələrinin də iştirak etdiyi görüş dekabrın 6-da keçirilib. Görüş zamanı təşkilat çərçivəsində əməkdaşlığın gələcək inkişafı məsələləri müzakirə olunub, sonrakı tədbirlərin qrafiki, birgə işlərin istiqamətləri müəyyənləşib və görüşün yekunlarına dair yeni protokol imzalanıb. Protokola görə, qısa müddət ərzində tərəflər birgə fəaliyyət planını təqdim etməlidir. İşçi qrupun iclasının gələn il Azərbaycanda keçirilməsi barədə qərar qəbul olunub. İştirakçılar həm də informasiya texnologiyaları barədə hazırkı və perspektiv planları müzakirə etmək məqsədilə ildə iki dəfədən az olmamaq şərtilə toplaşmaq qərarına gəliblər.

Xəbər lenti

Xəbər lenti