Azərbaycan, Bakı/ Trend müxbir S.Babayeva/ Yanvar -mart ayları ərzində Azərbaycanın Rabitə Nazirliyi ölkədə İT sahəsinin inkişafına 8087,2 min manat yatırıb. Bu barədə çərçənbə axşamı Nazirlikdən məlumat veriblər.
Vəsaitlər əsas etibarı ilə rabitə xətlərinin yenidən qurulmasına, şəhərlərarası fibrooptik magistralların quraşdırılmasına sərf olunub.
Bu məqsədlə Nazirliyin müəssisələri sırasına daxil olan "Aztelekom" İB - 4596 min manat, Baktelkom İB - 1421.8 min manat, Teleradio İB - 240,2 min manat, Azərpoçt DM isə 1493.7 min manat sərf edib.
2007-ci ildə Rabitə Nazirliyi 29 mln. manat investisiya yatırmaq niyyətindədir. 2006-cı ildə rabitə müəssisəsi tərəfindən yatırımların həcmi 42 mln. manat təşkil edib ki, həmin dövrdə də rabitə sahəsinə qoyulmuş ümumi investisyanın həcmi 211,6 mln. manat təşkil edib (Azərbaycan iqtisadiyyatına yönləndirilmiş ümumi investisiyanın 3,5 faizi).
