Azərbaycan, Bakı, 25 iyul /Trend, müxbir Zülfiyyə Qurbanova/
Azərbaycanın Əmək və Əhalinin Sosial Müdafiəsi Nazirliyi təmir işlərinin satın alınması üzrə açıq tender elan edir. Trend xəbər verir ki, bu barədə tender komissiyasının cümə güün rəsmi mətbuatda dərc etdiyi elanda deyilir.
Tender 4 lotdan ibarətdir: Bakıdakı Uşaq Reabilitasiya Mərkəzində, Sumqayıt Əlillərin Reabilitasiyası Mərkəzində, Yevlax Əlillərin Reabilitasiyası Mərkəzində və Naftalanda Əlillərin Reabilitasiyası Mərkəzində əsaslı təmir işlərinin görülməsi.
Tenderdə iştirakın dəyəri hər bir lot üzrə 200 manatdır.
Dəyərinin iki faizi məbləğində bank zəmanəti ilə tender təklifi komissiya tərəfindən bu il avqustun 29-da saat 17:00-dək qəbul ediləcək. Təkliflər zərfinin açılışı 1 sentyabr saat 12:00-da keçiriləcək.
Əlavə məlumat almaq üçün aşağıdakı ünvana müraciət etmək olar: Bakı şəhəri, Yasamal rayonu, Salatın Əsgərova küçəsi, 85;
tel.: (012) 596-66-27
