...

Britaniyalı ekspert: Azərbaycanın düşünülmüş iqtisadi siyasəti ABŞ və Qərb tərəfdaşlarının diqqətini cəlb edir

Nəzər nöqtəsi Materials 12 Avqust 2018 12:04 (UTC +04:00)
“Moody's” beynəlxalq reytinq agentliyinin Azərbaycan iqtisadiyyatının vəziyyəti ilə bağlı proqnozu ölkənin sürətli inkişaf dinamikasını, eləcə də keçirilən islahatların müsbət nəticələrini təsdiq edir
Britaniyalı ekspert: Azərbaycanın düşünülmüş iqtisadi siyasəti ABŞ və Qərb tərəfdaşlarının diqqətini cəlb edir

Bakı. Mətanət Nəsibova - Trend:

“Moody's” beynəlxalq reytinq agentliyinin Azərbaycan iqtisadiyyatının vəziyyəti ilə bağlı proqnozu ölkənin sürətli inkişaf dinamikasını, eləcə də keçirilən islahatların müsbət nəticələrini təsdiq edir.

Bunu Trend-ə britaniyalı analitik Abişek Kumar deyib.

Onun sözlərinə görə, iqtisadi inkişaf tempinin artımına ilk növbədə Azərbaycan dövlətinin ağıllı və düşünülmüş iqtisadi siyasəti səbəb olub:

““Moody's” agentliyinin ölkə iqtisadiyyatının artımınının 3 faiz səviyyəsində qalacağı barədə gözləntiləri məntiqəuyğundur. Son bir neçə il ərzində Azərbaycanda qeyri-neft sektorunun güclənməsi kursu həyata keçirilir, bu isə öz müsbət nəticələrini verir”.

A.Kumar bildirib ki, qeyri-neft sektorunun sürətli inkişafı Azərbaycana 2017-ci ildə neft qiymətləri ilə bağlı xarici risklərin təsirini neytrallaşdırmağa imkan verdi və bunun nəticəsi olaraq ölkə iqtisadiyyatı 2016-cı ildə 3 faiz azalmaya qarşı 2017-ci ildə 0,1 faiz artdı.

Onun sözlərinə görə, Azərbaycan rəhbərliyi düşünülmüş daxili iqtisadi siyasətlə yanaşı, düzgün enerji siyasəti də yürüdür:

“Bu baxımdan 2017-ci ildə “Azəri-Çıraq-Günəşli” neft yataqları bloku üzrə müqavilənin uzadılmasını mühüm hadisə kimi qiymətləndirirəm. Bu addım neft hasilatını uzun illər boyunca sabit səviyyədə saxlamağa imkan verəcək, xarici investorlar isə ölkə iqtisadiyyatına ciddi investisiyalar yönəldə biləcək. Bu isə nəticədə iqtisadiyyatın bütün sahələrinin inkişafında, yeni iş yerlərinin açılmasında, yeni müəssisələrin yaradılmasında özünü göstərəcək. Digər tərəfdən, neft hasilatının sabit səviyyədə saxlanması ölkənin iqtisadi inkişafına xidmət edəcək".

A.Kumar vurğulayıb ki, bugünkü Azərbaycan həm regionda, həm də dünyada strateji əhəmiyyət daşıyan irimiqyaslı enerji və nəqliyyat layihələrinin təşəbbüskarı, Cənubi Qafqazın aparıcı dövləti kimi qəbul olunur:

““Cənub Qaz Dəhlizi” meqalayihəsi, Bakı-Tbilisi-Qars dəmir yolu Azərbaycanın beynəlxalq münasibətlər sistemində nüfuzunu artıran və regionda təhlükəsizliyin qorunmasına xidmət edən beynəlxalq əhəmiyyətli infrastruktur layihələridir”.

O əlavə edib ki, ABŞ Prezidenti Donald Trampın “Cənub Qaz Dəhlizi” ilə bağlı son bəyanatı növbəti dəfə göstərir ki, ABŞ Azərbaycanla dayanıqlı əməkdaşlığa sadiqdir və Bakının Avropa İttifaqı ilə tərəfdaşlıq əlaqələrini tam dəstəkləyir. Bütün bu faktlar Azərbaycana qərb tərəfdaşlarının diqqətinin və marağının göstəricisidir.

Məqalədə:
Xəbər lenti

Xəbər lenti