Azərbaycan, Bakı, 26 avqust/ Trend , müxbir D.İbrahimova/ Pakistanda hökumət koalisiyasının parçalanması sentyabra təyin edilmiş prezident seçkiləri ərəfəsində ziddiyətli və gözlənilməz vəziyyət yaradıb.
"Eks-prezident Pərviz Müşərrəf və keçmiş Baş nazir Nəvaz Şərifin başçılıq etdiyi iki müsəlman liqasının birliyi hakim Pakistan Xalq Partiyasına zərbə endirəcək və bu ölkədəki vəziyyəti əhəmiyyətli dərəcədə kəskinləşdirəcək", - Pakistanın Leyborist Partiyasının nümayəndəsi Fərrux Tariq (Farooq Tariq) bazar ertəsi İslamabaddan telefonla Trend -a bildirib.
Nəvaz Şərifin başçılıq etdiyi Müsəlman Liqası Partiyası hökumət koalisiyasından çıxıb,- BBC xəbər verir. Pakistan prezidenti Pərviz Müşərrəf ötən həftə istefa verdikdən sonra, rəqabət aparan iki partiyanın - Müsəlman Liqası və Pakistan Xalq Partiyasının namizədləri dövlət başçısı vəzifəsi uğrunda mübarizə aparır.
Tariqin rəyinə görə, Xalq Partiyasından namizəd Asif Əli Zərdari seçicilər arasında məşhur deyil. Bu partiya hakimiyyətə gələndən ölkənin nə siyasi, nə də iqtisadi həyatında islahat aparılmayıb, enerji daşıyıcıları və nəqliyyat qiymətləri artıb.
"Hesab edirəm ki, ona etibar etmək olmaz. Zərdari verdiyi vədlərə əməl etməyib və düşünmürəm ki, o, qarşıdakı seçkilərdə qələbə qazanacaq", - Fərrux güman edir.
Daxili siyasət üzə pakistanlı ekspert Abdul Anis Hey (Abdulanis Hay) hesab edir ki, hökumət koalisiyasının dağılması Pakistan Xalq Partiyası üçün problemlər yaratsa da, qarşıdakı seçkiləri məhz o qazanacaq.
Müəlliflə əlaqə saxlamaq üçün elektron ünvan [email protected]