Somali piratları tərəfindən zəbt edilmiş Honkonq bayrağı altında üzən İran gəmisinin 25 nəfərlik heyəti arasında Hindistan, Pakistan, İran və Filippin vətəndaşları olub. Bu barədə İTAR-TASS agentliyi xəbər yayıb.
ABŞ Hərbi Dəniz Qüvvələrinin 5-ci donanmasının komandanı Ceyn Kempbel bildirib ki, gəminin operatoru İranın "İslamik ripablik of İran şippinq laynz" dövlət şirkətidir. Gəmidə 36 min ton buğda var. Gəmi Fars körfəzində yerləşən Bəndər-Abbas limanına istiqamət götürmüşdü.