Misirin xarici işlər naziri Əhməd Əbul Ğeys ilə görüşdən sonra mətbuat konfransı keçirən Türkiyənin xarici işlər naziri Əli Babacan bildirib ki, görüşdə əsas mövzu Türkiyənin vasitəçilik etdiyi Suriya - İsrail danışıqları olub. Babacan İsrail ilə Suriya arasında danışıqların davam etdiyi bir vaxtda, Yaxın Şərqdə sabitliyin təmin edilməsində əsas məsələ olan Fələstin - İsrali münasibətlərinin gərginıləşməsinin və İsrailin Qəzzəni bombalamasının təəssüfləndirici hadisə olduğunu bildirib. Babacan, İsrailin Fələstin cəbhəsində müharibə, Suriya cəbhəsində sülh danışıqları aparmasının məntiqli olmadığını qeyd edib və əlavə edib ki, belə bir şəraitdə danışıqların davam etdirilməsi qeyri - mümkündür. Babacan dərhal atəşin dayandırmasını və diplomatik kanalların işə düşməsini tələb etdiklıərini bildirib. Onun sözlərinə görə, atəş dayandırılmasa, bu müharibənin Qəzzə hüdudlarını aşaraq bütün Yaxın Şərqi əhatə etməsi təhlükəsi var.
Dekabrın 27-də günorta satlarından başlayaraq, İsrailin Hərbi Hava Qüvvələri Qəzzə zolağını raket atəşinə tutublar. Dekarbın 19 - da Həmas təşkilatı və Israil arasında müvəqqəti atəşkəsin başa çatmasından sonra, Həmas dörd fələstinlinin qətlinə cavab olaraq, Israilin Sederot va Aşkelon yaşayış məntəqələrini raket atəşinət tutub.
Israilin dekabrın 27 - də keçirdiyi hərbi əmaliyyatlar zamanı 310 nəfər həlak olub, 700 nəfər yaralanıb.
Həmas təşkilatının Qəzzədəki matbuat xidmətindən Trend -a verilən məlumata görə, ölən və yaralananların əksəriyyəti qadın və uşaqlardır. Həmas və Islami Cihad ldierləri İsrail rəsmilərindən Qəzzədə törədilən cinayətlərə görə qisas alacaqlarını bildirblər.
Həmas İsrailin Qəzzə zolağının bombalamasına cavab olaraq ,Sederot və Aşkelon yəhudi məntəqələrinə 60 - a yaxın raket zərbəsi endirib. İsrail hökuməti Aşkelon və Sederotda fövqəladə vəziyyət elan edib.
.