Gürcüstan, Tbilisi, 30 mart / Trend , müxbir N.Kirtsxaliya /
"Gürcüstan ordusu həm kəmiyyət və keyfiyyət göstəricisinə görə, həm də təchizat məsələlərində artıma doğru gedəcək", - ABŞ Silahlı Qüvvələri Komandanlığının Birləşmiş Komitəsinin sədr müavini, general Ceyms Kartrayt ilə keçirilən birgə brifinqdə Gürcüstan prezidenti Mixail Saakaşvili bildirib.
Kartrayt brifinqdə gürcü ordusunun yüksək döyüş hazırlığını qeyd edərək bildirib ki, onun hazırlığı ilə şəxsən tanış ola bilib. O, bir neçə hərbi obyektə baş çəkib və Gürcüstanın Müdafiə Naziri və SQ-in Birləşmiş Qərargahının rəisi ilə görüşüb.
"Gürcü ordusuna verilən yüksək qiymətə görə sizə minnətdaram. Bu günlərdə həmçinin ordumuzu yüksək qiymətləndirən general Petrousla da görüşdüm. Bu, mənim üçün və mənim xalqım üçün çox vacibdir", - Saakaşvili bildirib. O qeyd edib ki, 3-4 ilə ordu yaratmaq mümkün deyil.
"Əvvəllər biz ordunu genişmiqyaslı hərbi fəaliyyətlər üçün yox, polis-sülhün qorunması əməliyyatları üçün yaradırdıq", - deyən Saakaşvili vurğulayib ki, gürcü ordusunun "həm kəmiyyət və keyfiyyət baxımından artacağın, həm də lazımi silahlanma ilə təmin olunacağına" əmindir.
Öz növbəsində Kartrayt qeyd edib ki, Gürcüstana "gürcü ordusuna nə lazım olduğunu daha dəqiq bilmək üçün" gəlib. "Biz gürcü hərbçilərə ordu quruculuğunda yardımçı olmaq istəyirik və bu, treninqlər və ordunun təchizatı ilə bağlıdır", - o bildirib.
Məqalə müəllifi ilə əlaqə ünvanı: [email protected]