İranın "Kaleme.org" saytının yaydığı məlumata görə, Aşura günü baş vermiş hadisələrdən sonra 8 vəkil həbs olunub və Vəkillər Assosiasiyası həbs edilmiş assosiasiya üzvlərinin işini araşdırır.
Məlumata əsasən, İranın Vəkillər Assosasiyasının ötən gün keçirilən iclasında bu məsələ müzakirə olunub. Assosiasiya hələlik həbs edilmiş 8 vəkilin adını açıqlamayıb, lakin onlardan bir neçəsinin Tehranda, digərlərinin isə İranın ayrı-ayrı şəhərlərində həbs olunduğunu bildirib.
Vəkillər öz iş yerləri və ya evlərində həbs olunublar. Həbs edilmiş vəkillərdən ikisinin qadın olduğu bildirilir.