Tehran İnqilab Məhkəməsi Pakdəşt şəhər məktəbinin pedaqoqu Əbdülrza Qəmbərini ölüm hökmünə məhkum edib. Bu barədə müxalifətdə olan "kaleme.com" saytı məlumat verir.
İttihamnamədə deyilir ki, Qəmbəri "müharibdir", antiiran qruplaşmaları və xarici telekanallarla əlaqə saxlayır.
Allaha, Peyğəmbərə və İslam hökumətinə qarşı çıxanlar "müharib" adlanır. İran Konstitusiyasının 183-196-cı maddələrində "müharib" və "İslam hökumətini devirməyə" cəhd göstərən şəxslərin barəsində sürgün və ya ölüm hökmü kimi cəzalar nəzərdə tutulub.