İranın "Vyana qrupu"na yazılı cavabı artıq hazırdır və tezliklə göndəriləcək. Bu barədə jurnalistlərə cümə günü İranın xarici işlər naziri Mənuçöhr Möttəki akademiklərlə görüşdə deyib. Xəbəri ILNA agentliyi yayıb.
""Vyana qrupu"na cavab hazırdır və diplomatik nümayəndəlik tezliklə müvafiq şərtləri elan edəcək", - o deyib.
Müttəki Avropa İttifaqının ali komissarı Ketrin Eştonla Kabildəkı beynəlxalq konfransın kuluarlarında görüşü ilə bağlı bildirib ki, görüş əks tərəfin xahişi ilə baş tutub.
Görüş zamanı Eşton Möttəkiyə deyib ki, "nüvə problemi üzrə danışıqlara başlamağa" hazırdır.