Gürcüstan, Tbilisi, 4 sentyabr /Trend, müxbir N.Kirsxaliya/
Bir neçə gün əvvəl Qara dəniz sahilindəki Anakliya kurort yerində Qara dənizdə ən böyük limanın tikintisinə başlanılıb. Bu barədə Gürcüstan Prezidenti Mixeil Saakaşvili bildirib.
Anakliya kurortunda parlament çoxluğu ilə görüş zamanı Gürcüstan Prezidenti bildirib ki, bu yerlərin son illərdə inkişaf etməməsinin başlıca səbəbi, burada sovet hərbi bazasının mövcud olması ilə əlaqədardır.
"İndi burada əla çimərlik salınıb, çoxlu mehmanxanalar tikilir. Ən başlıcası, adamlarda ruh yüksəkliyi var. Hamı işlə məşğuldur. Bir neçə gün əvvəl orada liman tikintisinə başlanılıb", - Saakaşvili bildirib.
Prezidentin sözlərinə görə, Qara dəniz sahillərinin ən dərin hissəsi olan Anakliya liman üçün əla bazadır. "Bura gəmiçilik və limanın yaradılması üçün ən münasib yerdir", - Saakaşvili deyib. O, qədim yunanların və türklərin məhz bu yerdə gəmiçiliklə məşğul olarkən səhv etmədiklərini əlavə edib.
