Fotoşəkillər əlavə olunub.( ilk xəbər saat 10:04 də yayımlanıb)
Azərbaycan, Bakı, 18 aprel /Trend/
Bu gün İran Silahlı Qüvvələri Günü münasibətilə Tehranda hərbi parad keçirilir. Bu barədə Trend İran televiziyasının rəsmi saytı iribnews-a istinadən məlumat verir.
Hərbi paradda İran Silahlı Qüvvələrinin bütün bölmələri, "Sepah" korpusu, Quru Qoşunları və Hərbi Hava Qüvvələri iştirak edir . Parad İranın sabiq ali lideri Ayətullah Xomeyninin məqbərəsi önündə təşkil olunur . İran prezidenti Mahmud Əhmədinejad və ölkənin digər rəsmiləri paradı izləyirlər.
Paradda hərbi təyyarələrin hava nümayişləri olacaq. İranın SQ-nin əldə etdiyi son nailiyyətləri nümayiş olunur. Bundan başqa, ilk dəfə olaraq SU-24 tipli təyyarənin havada digər SU-24 tipli təyyarəyə yanacaq doldurması nümayiş olunacaq.
Aprelin 18-i İranda Silahlı Qüvvələr Günüdür.