Azərbaycan, Bakı, 20 iyul /Trend/
Qazaxıstan Prezidenti Nursultan Nazarbayev xarici klinikada planlı tibbi müayinədən keçib və Qazaxıstana qayıdır. Trend-in məlumatına görə, bu barədə Astanadakı mənbə QazTAQ agentliyinə bildirib.
"Prezident xaricdəki klinikalardan birində profilaktik tibbi müayinədən keçib və yaxın günlərdə ölkəyə qayıdacaq", - mənbə çərşənbə günü telefonla deyib.
Müsahib bildirib ki, "bu adi təcrübədir". "Nazarbayev ildə iki dəfə profilaktik tibbi müayinədən keçir: bir dəfə ölkədə və bir dəfə xaricdə", - o izah edib.
Mənbə əlavə edib ki, "təcili xəstəxanaya yerləşdirmə olmayıb, cərrahi müdaxilə də olmayıb".
İyulun 11-də prezidentin mətbuat xidməti "dövlət başçısının qısamüddətli məzuniyyətdə" olduğunu bildirmişdi.