Azərbaycan, Bakı, 16 avqust /Trend/
Bu gün Türkiyənin Kayseri şəhərində 4,5 bal gücündə zəlzələ olub. Həlak olanlar və dağıntılar barədə hələlik heç bir məlumat yoxdur. Trend-in məlumatına görə, bu barədə CNN Turk telekanalı xəbər verib.
Cari ilin mayında Kütahya şəhərində zəlzələ baş vermişdi. Zəlzələnin maqnitudası o zaman 5,7 bal olmuşdu və 120 nəfərdən çox insan xəsarət almışdı, dörd nəfər isə həlak olmuşdu.