Azərbaycan, Bakı, 5 aprel /Trend, müxbir A.Tağıyeva/
Son sutka ərzində Suriyadan Türkiyəyə 1622 nəfər keçib. Bu barədə cümə axşamı Trend "TRT Haber" telekanalına istinadən məlumat verir.
Bununla da Türkiyə ərazisində suriyalı qaçqınların sayı kəskin artaraq 21 622 nəfər təşkil edib.
Suriyalı qaçqınlar sərhədyanı düşərgələrdə yerləşdirilirlər.
Türkiyə qonşu ölkənin ərazisində sığınacaq axtaran qaçqınlar üçün düşərgələrin sayının artırılması üzrə işlər aparır.