Azərbaycan, Bakı, 19 aprel/Trend/
ABŞ-ın Uest şəhərindəki (Texas ştatı) gübrə zavodunda baş verən partlayış təqribən 35 insanın həyatına son qoyub. Trend-in cümə günü "İnterfaks"a istinadən verdiyi məlumata görə, bu barədə yerli CNN telakanalı şəhərin meri Tommi Muska istinadən xəbər verir.
Məlumata görə, partlayış 70-dək insanın ölümü ilə nəticələnə bilərdi. Yerli polis ilkin olaraq partlayış nəticəsində 5-15 nəfərin öldüyünü güman edirdi.
Hazırda xilasedicilər sağ qalanların axtarışını davam etdirirlər.