...

Sabahdan İranda prezidentliyə namizədlərin qeydiyyatı başlanır

Dünya xəbərləri Materials 6 May 2013 11:53 (UTC +04:00)
İranda prezidentliyə namizədlərin rəsmi qeydiyyatı çərşənbə axşamı başlanacaq.
Sabahdan İranda prezidentliyə namizədlərin qeydiyyatı başlanır

Azərbaycan, Bakı, 6 may /Trend, müxbirlər T.Cəfərov, E.Tariverdiyeva/

İranda prezidentliyə namizədlərin rəsmi qeydiyyatı çərşənbə axşamı başlanacaq. Trend-in məlumatına görə. bu barədə bazar ertəsi "IRINN" telekanalı xəbər yayıb.

Qeydiyyat mayın 11-nə kimi davam edəcək.

12-16 may tarixlərində Konstitusiya Nəzarət Şurası hər bir namizədin səlahiyyətinə baxacaq.

Əgər şura hər hansı bir səbəbdən namizədin prezident seçkilərində iştirak hüququna malik olmadığı barədə qərar versə, onda müəyyən olunan vaxta qədər namizəd bu qərara etiraz edə bilər.

Mayın 23-24-də İran DİN seçkilərdə iştirak edən namizədlərin adlarını açıqlayacaq. Mayın 24-də seçkiqabağı kampaniya başlanacaq və iyunun 12-də başa çatacaq.

İranda 11-ci prezident seçkiləri iyunun 14-də baş tutacaq.

Məqalədə:
Xəbər lenti

Xəbər lenti