Azərbaycan, Bakı, 9 sentyabr /Trend/
Çinin cənubunda ibtidai məktəb binasının yanında partlayış zamanı ən azı bir nəfər ölüb, bir neçə nəfər yaralanıb. Trend RİA Novosti agentliyinə istinadən, bu barədə Sinxua agentliyi məlumat verir.
Partlayış bazar ertəsi yerli vaxtla saat 8.00 radələrində Quansi muxtar bölgəsinin Quylin şəhərində (Quansi-Çjuan muxtar rayonu) ibtidai məktəbin qapısında baş verib.
Yaralananlar xəstəxanaya yerləşdirilib. Polis hadisə ilə bağlı təhqiqat aparır. Hadisənin digər təfərrüatları açıqlanmır.