Azərbaycan, Bakı, 9 dekabr /Trend/
Rusiya Federal Miqrasiya Xidmətinin rəhbəri Konstantin Romodanovski bəyan edib ki, ölkədə birdəfəlik miqrasiya amnistiyasının həyata keçirilməsi mümkündür, lakin o, bunun uğurlu olacağına inanmır. Bu barədə Trend bazar ertəsi "İnterfaks" agentliyinə istinadən məlumat verir.
K.Romodanovskinin sözlərinə görə, əgər əmək fəaliyyətinin həyata keçirilməsi məsələlərinə qarşı qanunvericiliyin yanaşmaları köklü şəkildə dəyişilsə, amnistiya həyata keçirmək olar: "Lakin bu, birdəfəlik ola bilər və sözün düzü, bunun uğur qazanacağına inanmıram".