Azərbaycan, Bakı, 13 aprel /Trend/
Ermənistan prezidenti Serj Sarkisyan baş nazir vəzifəsinə parlamentin spikeri Ovik Abramyanın namizədliyini təklif edib və Ermənistanın hakim partiyası onu dəstəkləyib.
Trend-in RİA Novosti agentliyinə istinadən verdiyi məlumata görə, bunu bazar günü Ermənistan parlamentinin vitse-spikeri Eduard Şarmazanov bildirib.
"Abramyanın namizədliyi bu gün icraçı orqanın və Ermənistanın Respublika partiyasının Şurasının növbədən kənar yığıncağında bəyənilib", - Şarmazanov bildirib.