Azərbaycan, Bakı, 15 iyun /Trend/
Ermənistanın Gümrü şəhərində Rusiyanın 102 saylı hərbi bazasında xidmət edən İvan Novikov adlı əsgərin öldürülməsi ilə bağlı bir nəfər saxlanılıb.
Trend-in "News.am" saytına istinadən verdiyi məlumata əsasən, bu barədə baza rəisinin şəxsi heyətlə iş üzrə müavini Aleksey Polyuxoviç jurnalistlərə deyib.
O bildirib ki, saxlanılan şəxs müqavilə əsasında bazada xidmət göstərən əsgər olub: "Müstəntiqlər onun ifadəsini alırlar. Adını açıqlaya bilmərəm".
A.Polyuxoviç baş vermiş hadisə ilə bağlı şərh verməkdən imtina edib.