Bakı. Elçin Hüseynov - Trend:
Ermənistanın İstintaq İdarəsi tərəfindən Yerevanın Zvartnots hava limanında bomba qoyulması haqqında yanlış xəbərlə bağlı cinayət işi qaldırılıb. Bu barədə Trend RİA Novosti-yə istinadən məlumat verir.
Bildirilir ki, martın 24-də saat 13:20-də hava limanının elektron poçtuna terror aktının törədilməsi ehtimalının olmasına dair məktub daxil olub. Məktubda deyilirdi ki, martın 24-də 558 nömrəli Yerevan-Moskva reysi ilə uçan təyyarədə, sonra isə hava limanının özündə partlayış olacaq.
Keçirilmiş əməliyyat-axtarış tədbirləri nəticəsində məlum olub ki, daxil olan xəbər yanlış xarakteri daşıyır.
İstintaq davam edir.