Bakı. Trend:
Orlandoda klubda kütləvi güllələmədə həlak olmuşların ailələriylə görüş zamanı ABŞ prezidenti Barak Obama yenidən ölkədə silahın satışını məhdudlaşdırmağa çağırdı. Bu barədə Trend "İnterfaks" agentliyinə istinadən xəbər verir.
"ABŞ-da siyasətçilər sanki sözləşdilər ki, terrorçular və ya özünü saxlaya bilməyən insanlar asan yolla silah ala bilsin", - deyə Obama bildirib.
ABŞ-ın Florida ştatının Orlando şəhərində yerləşən "Pulse" gecə klubunda törədilən terror aktı nəticəsində 50 nəfər ölüb, 53 nəfər yaralanıb.