Bakı. Elçin Hüseynov - Trend:
Avropa İttifaqı (Aİ) ilə fikir ayrılıqlarına baxmayaraq, yaxın 6 il ərzində - 2023-cü ilədək Türkiyə qurumun üzvü olmaq niyyətindədir. Trend-in məlumatına görə, bu barədə Türkiyənin Aİ-də daimi nümayəndəsi Səlim Yenel Almaniyanın "Die Welt" qəzetinə müsahibəsində bildirib.
Diplomat deyib ki, hazırda Aİ-yə üzvlük şərtləri qənaətbəxş deyil, amma bu, dəyişə bilər: "Avropa İttifaqında üzvlük ölkəmin ən yüksək nailiyyəti ola bilər".
S.Yenel bildirib ki, Tükkiyə və Aİ arasında hazırda inamsızlıq hökm sürür: "Biz hesab edirik ki, qarşımızda qoyulan 72 şərti yerinə yetirsək, Aİ bizimlə vizaları ləğv etməyəcək. Biz Aİ-dən zəmanət istəyirik ki, Brüssel razılaşmaya riayət edəcək".
Daimi nümayəndə hesab edir ki, Aİ ilə viza rejimi bu ilin oktyabrında ləğv edilməlidir.