Bakı. Trend:
Rusiya Müdafiə Nazirliyi və Türkiyə Silahlı Qüvvələrinin Baş Qərargahı Suriyada hərbi əməliyyatlar zamanı hava uçuşlarının təhlükəsizliyinin təmin edilməsi və insidentlərin qarşısı alınması haqqında memorandum imzalayıblar.
Trend bu barədə "RİA Novosti"yə istinadən məlumat verir.
Memorandumun cümə axşamı Rusiya Müdafiə Nazirliyində imzalandığı bildirilir. Sənəd Suriya ərazisində terrorçuların mövqelərinə zərbələr zamanı Rusiya və Türkiyə aviasiyasının qarşılıqlı fəaliyyət və koordinasiya mexanizmini müəyyən edir.